Сэлэнгэ аймгийн Зүүнбүрэн сумын Засаг дарга нь өөрийн сумын зөгийчдөөс нэг бүл зөгийгөөс нь 5000 төгрөг, бусад газраас ирсэн зөгийчдөөс хоёр дахин их татвар авах захирамжийг өнгөрсөн гуравдугаар сарын 10-нд гаргажээ. Гэтэл УИХ татварын аль ч хуулиар бүл зөгийд татвар тогтоох эрхийг орон нутагт олгоогүй байна.

Татварын ерөнхий хуулийн 8.1-д татварын хувь, хэмжээг УИХ, түүний эрх олгосноор аймаг, нийслэл, сум, дүүгийн Иргэдийн төлөөлөгчдийн хурал тус тус тогтооно. УИХ татварын аль ч хуулиар бүл зөгийд татвар тогтоох эрхийг орон нутагт олгоогүй.

Сэлэнгэ аймгийн Зүүнбүрэн сумын Засаг дарга Э.Саранбаатартай утсаар холбогдож гаргасан захирамжийн тухай тодруулахад ИТХ-ын тогтоолыг үндэслэлгүй гэж үзсэн тул уг захирамжийг өнөөдрөөс хүчингүй болгож байгааг хэллээ.