“Спутник V" коронавирусийн вакциныг хэрэглэсний дараа бие чичрэх, өндөр хэмээр халуурах, толгой өвдөх, хоолны дуршил буурах, тунгалгийн булчирхай томрох зэрэг гаж нөлөө илэрч болзошгүй ажээ.
“Вакцин хэрэглэснээс үүдэлтэй сөрөг гаж нөлөөнүүд нь гол төлөв хөнгөн эсвэл дунд зэргээр илэрдэг бөгөөд эдгээр шинж тэмдэг вакцин тариулснаас хойш нэг, хоёр хоногийн хугацаанд үргэлжилж магадгүй. Эдгээр нь бие чичрэх, өндөр хэмээр халуурах, толгой өвдөх зэрэг богино хугацааны нийтлэг шинж тэмдгүүд болон тариулсан хэсэгт реакц өгөх байдлаар илрэх нь олонтаа” хэмээн вакцины зааварт дурджээ.
Ховор үед бөөлжих, хоол боловсруулах эрхтэн хямрах, хоолны дуршил буурах зарим үед тунгалгийн булчирхай томрох зэрэг шинж тэмдэг ажиглагддаг байна. ОХУ-ын Эрүүл мэндийн яамны Н.Ф.Гамалея-гийн нэрэмжит Халдвар судлал, бичил биологийн Үндэсний судалгааны төвийн орлогч дарга Денис Логуновын мэдэгдсэнээр, "Спутник V" вакцины эмнэлзүйн туршилтанд оролцсон сайн дурынхны нэгээс нь ч ноцтой гаж нөлөө илрээгүй байна.
Сэтгэгдэл үлдээх