Нүүр хуудас Мэдээ ХОНЬ БОЛ ХАМГИЙН УХААНТАЙ АМЬТДЫН НЭГ

ХОНЬ БОЛ ХАМГИЙН УХААНТАЙ АМЬТДЫН НЭГ

Psycho
Psycho, TODNEWS.MN

Хонь хамгийн ухаантай амьтдын нэг

Олон хүн хонийг тэнэг, өөрийгөө хамгаалах чадваргүй амьтан гэж боддог. Гэтэл бодит байдал дээрээ хонь нь маш ухаалаг, ой тогтоомж сайтай, хүнийг царай төрхөөр нь таних чадвартай, нөхөрсөг, нэгнийг нь нядлахаар авч явахад гунигладаг, манай гариг дээрх хамгийн хөнөөлтэй амьтдын нэг гэнэ. 1700 оны үеэс эхлэн хүн төрөлхтөн хонийг хөвсгөр, цагаан, тал хээрт, бэлчээрлэдэг жирийн нэгэн амьтан эсвэл  тавган дээрх мах мэтээр төсөөлсөөр ирсэн. Үүнийг батлах олон жишээ ч бий. Тухайлбал, АНУ-ын анхны Ерөнхийлөгч Жорж Вашингтон “Хэрэв үг хэлэх эрх чөлөөг булаавал хүн төрөлхтөн нядлуулах өдрөө хүлээж буй хониноос ялгагдах юмгүй болно” хэмээсэн байдаг. Толь бичигт хонийг ухаан муутай, махны зориулалтаар ашиглагддаг амьтан гэж тодорхойлсон нь ч бий.

 2001 онд БНХАУ-ын Цахим Шинжлэх ухаан, технологийн их сургуулийн судалгааны багийнхан  хонь нь 50 гаруй царайг тогтоох чадвартай бөгөөд хоёр жил гаруйн хугацаанд огт мартдаггүй нотолсон байна. Судалгааны багийнхан 25 эм, 25 эр хонинд судалгаа хийжээ. Судалгааны багийн ахлагч Кендрикийн хэлснээр хонинууд таньдаг царайгаа харах үедээ ямар нэгэн хариу үйлдэл үзүүлдэг гэнэ. Түүнчлэн хүний сэтгэл санааны байдлыг  нүүрнийх нь хувирлаар мэддэг байна. “CSIRO”-ийн судалгааны багийнхан хонийг ухаалаг амьтан гэдгийг мөн баталсан байна. Хонь ухаантайгаас гадна маш хөгжилтэй амьтан. “Winter the Jumping Lamb” гээд “Youtube”-ээс хайвал хонь ямар хөгжилтэй амьтан болохыг харж болох ажээ. 

Тус амьтан нэлээн эротик бөгөөд хонинуудын найм орчим хувь нь ижил ижил хүйстэн байдаг гэдгийг тус судалгааны багийнхан баталжээ. Одоогоос 20 гаруй жилийн өмнө Калифорнийн их сургуулийн судлаачид гурван жилийн турш хуцыг судалсан бөгөөд бат бөх нөхөрлөл бий болгож чаддаг гэдгийг нь мэдэж авчээ. Хэрвээ тэд нөхөрлөвөл нөхөрлөлөө маш удаан хадгалдаг. Мөн сул дорой нэгнээ дээрэлхдэггүй байна. 2009 онд хэвлэгдсэн “Animal Welfare”  сэтгүүлд хонийг багагүй сэтгэлийн хаттай амьтан, айдас, цөхрөл, уйтгар гунигийг даван туулах чадвартай гэж бичжээ. Судлаачид хонинд өвс өгөөд идэж байх үед өвсийг сэнсээр үлээлгэж хийсгэсэн байна. Ийнхүү дөрвөн удаа энэ үйлдлээ давтахад хонины зүрхний цохилт хурдасч, зүрхний хэмжээ нь томорч байжээ. МЭ өмнөх 9000-11000 онд хүн төрөлхтөн анх хонийг гаршуулсан бөгөөд ноос, сүү, махыг нь ахуйн хэрэглээндээ хэрэглэдэг байв. Харин шашны болон одон орны зурхайд хонины тухай олонтоо дурдсан байдаг. Тухайлбал, эртний Грек, Египетийн хэд хэдэн  бурхдыг хуцаар төлөөлүүлсэн байдаг байна. Хонинуудыг зодож, цохиж эхэлвэл тэд аль болох нэг нэгэнтэйгээ ойртож, зогсдог бөгөөд хамгийн залуугаа болон бяцхан  хурга нараа хамгаалахыг оролддог ажээ.

НҮБ-ын Хүнс, хөдөө аж ахуйн байгууллагын мэдээгээр манай дэлхий дээр нийт 1.2 тэрбум хонь амьдардаг гэнэ. Үүний 200 орчим сая нь БНХАУ-д 70 сая нь Австралид, 60 сая нь Энэтхэгт, 45 сая нь Иранд, 33 сая нь Шинэ Зеландад, 41 сая Нигерт, Суданд 40 сая, Их Британид 33 сая, Кенид 17 сая орчим нь байдаг аж. Шинэ Зеландын цэцэглэж буй нэгэн фермийн хонь дэлхий нийтэд алдартай болсон удаатай. Меронос буюу манайхны нэрлэдгээр мернусан энэ хонины ноосыг жил бүр авах ёстой.  Гэтэл уг хонь ноосноосоо салахыг хүсээгүй гэнэ. Нэг өдөр хонь ноослох үеэр тэрээр зугатан хадан дунд нуугдсан байна.  Бүх хонийг хяргаж дууссан хойно юу ч болоогүй мэт сүрэг дундаа ороод идээшилж явжээ. Тэр эзэндээ баригдалгүй хонь ноослохоос зургаан жилийн турш зугатсан байна. Хэрвээ тэр ноосоо даахаа больж унаагүй бол магадгүй цаашид ч зугтаах байсан биз. Түүний ноос нь бараг л 30 кг татаж байжээ. Ингээд зургаан жилийн дараа хонийг барьж аваад Шинэ Зеландын төв телевизийн камерын өмнө хяргасан байна. Учир нь түүний ноосыг дуудлага худалдаанд оруулан  борлуулалтаас орж ирсэн мөнгийг хүүхдийн сайн сайхны төлөө санд хандивлахаар зарлажээ.  Уг хонь Шинэ Зеландын Ерөнхий сайд асан Хелен Кларктай танилцаж, мөн хүүхдийн номын баатар болж, хүмүүнлэгийн тоглолтод оролцжээ.  Түүний энэ үйлдэл хонь тэнэг биш гэдгийг дэлхий нийтэд баталсан юм.  Эх сурвалж: http://www.bbc.com

АНХААР! Сэтгэгдэл хэсэгт ёс бус бичвэр оруулахыг хориглоно.

0 СЭТГЭГДЭЛ

ХАРИУ ҮЛДЭЭХ

Сэтгэгдэл ээ оруулна уу
Та нэрээ бичнэ үү