Нүүр хуудас Мэдээ ЖДҮ-д нэр нь зүүгдсэн ганц бор эмэгтэйгээ МАН бөөрөлхөөд эхэлжээ

ЖДҮ-д нэр нь зүүгдсэн ганц бор эмэгтэйгээ МАН бөөрөлхөөд эхэлжээ

Admin
Admin, TODNEWS.MN

МАН-аас нэр дэвшигч Т.Аюурсайхан, М.Оюунчимэг, Ж.Сүхбаатар нар хууль зөрчсөн сурталчилгааны самбаруудыг байршуулсан тухай гомдлыг Чингэлтэй дүүргийн цагдаагийн газарт шалгаж хууль зөрчсөн нь тогтоогдсон.

Хэмжээ хэтрүүлэн хууль зөрчсөн дээрхи гурван нэр дэвшигчийн гар гараасаа атгалцаж, малийтал инээсэн самбарууд нь үр ашиггүй зардал болжээ. “Хүчээ нэгтгэх” ажиллагаа хувийн тоглолтод шилжээд гурван тийш нүүр буруулсан нь олны ярианд өртөөд эхэлжээ. Ж.Сүхбаатар настайчуудыг тойглож эхэлсэн бол Т.Аюуртсайхан НАМЗХ-ын залуусын хүчийг ашиглаж, М.Оюунчимэг НАМЭХ хороодоо хөдөлгөж эхэлсэн хувийн тоглолтууд хуваарийнхаа дагуу явагдаж байгааг илтгэв. Чингэлтэй дүүргийн МАН-ын сурталчилгаанд нь ирсэн ахмадууд ЖДҮ-д нэр нь зүүгдээстэй боорцог хочит ганц бор эмэгтэйгээ бөөрөлхөөд эхэлжээ гэж ярьж сууна.

Өнгөрсөн 7 удаагийн сонгуульд Ардчилсан нам, Монголын Ардын намаас нэр дэвшигчид тус дүүргээс гарахдаа дандаа сөрөг хүчнийг бүрдүүлж байсан онцлогтой. Өөрөөр хэлбэл АН эрх барьсан жилд МАН-д, МАН эрх барьсан жилд АН-аас нэр дэвшигчдийг сонгож байжээ.

Тэгэхээр энэ удаагийн УИХ-ын сонгуульд Ардчилсан намаас нэр дэвшигчид ялалт байгуулах магадлал өндөр байгаа учир МАН-аас нэр дэвшигчид нь өрсөлдөгчидөөсөө бэргэж ийхүү дотроо хөлөө жилцээд эхэлсэн аж.  

Балагтай хүмүүсийг багаар нь сонгохгүй гэж сонгогчид яриад эхэлсэн учир тэдний “багаараа” ажиллагаа нурж ЧИНГЭЛТЭЙН МАН-ын ГУРАВ БАГААРАА БИШ ГАНЦААРАА МАНДАХ хувийн тоглолтоо эхэлжээ.

Сонгуулийн тухай хуульд сурталчилгааны самбар хоёр хэвлэлийн хуудас буюу 1МКВ-аас томгүй байх заалттай.

Тиймээс Т.Аюурсайхан, М.Оюунчимэг, Ж.Сүхбаатар нар хууль зөрчсөн нь тогтоогдлоо. Гэхдээ торгуулийн арга хэмжээ авах хуулийн заалт байхгүй учир торгож чадахгүй байна” гэсэн хариу мэдэгдэл Чингэлтэй дүүргийн цагдаагаас ирүүлсэн нь хуулийн цоорхойг ашигладаг өнөө л аргаа хэрэгжүүлсэнийг хуульч Н.Ариунболд онцлон хэлсэн байдаг. Сурталчилгаа хийхдээ ч хууль зөрчиж байгаа нэр дэвшигчид нийтийн эрхийг хэрхэн хамгаалж, төлөөлөх вэ?

АНХААР! Сэтгэгдэл хэсэгт ёс бус бичвэр оруулахыг хориглоно.

0 СЭТГЭГДЭЛ

ХАРИУ ҮЛДЭЭХ

Сэтгэгдэл ээ оруулна уу
Та нэрээ бичнэ үү