Тэргүүн хатагтай асан Мишель Обама өнгөрсөн даваа гарагт америкчуудад хандан Ардчилсан намаас Ерөнхийлөгчийн сонгуульд нэр дэвшиж буй Жо Байденийг сонгохыг уриалжээ. Мөн тэрбээр Трампын Ерөнхийлөгчөөр ажиллах дөрвөн жилийн хугацаанд бий болгосон эмх замбараагүй байдлыг таслан зогсоохыг уриалсан байна. Ардчилсан үндэсний чуулганы эхний үдэш хэлсэн үгэндээ Мишель Обама “Трампад энэ ажлыг хийж чадна гэдгээ батлах хангалттай цаг хугацаа байсан. Коронавирусийн тахал, эдийн засгийн хүндхэн байдал өнөөг хүртэл үргэлжилж, үймээн самуун, арьс өнгөөр ялгаварлах шударга бус байдал газар авсаар байна. Хэрэв энэ эмх замбараагүй байдлыг дуусгая гэж бодож байгаа бол Жо Байден шиг хүнийг сонгох хэрэгтэй. Бидний амьдрал үүнээс л хамаарна” гэдгийг онцолжээ.
2009-2017 оны хооронд Барак Обама АНУ-ын Ерөнхийлөгчөөр ажиллаж байх үед Жо Байдан дэд Ерөнхийлөгчөөр ажиллаж байсан юм.
Сэтгэгдэл үлдээх