Нийслэлийн хэмжээнд I тунд 90, II тунд 206, нэмэлт сэргээх тунд 4207, нийт 4503 иргэнийг дархлаажуулжээ. Вакцинжуулалт эхэлснээс хойш нийслэлийн нийт хүн амын I тунгийн хамралт 74.7 хувь, II тунгийн хамралт 71.2 хувь, нэмэлт тунгийн хамрагдалт 24.8 хувь байна. Зорилтот бүлгийн буюу 2966 (24.9 хувь) жирэмсэн эх, 12-15 насны 67.783 (76.3 хувь), 16-17 насны 26.657 (78.7 хувь) хүүхэд тус тус дархлаажуулалтын бүрэн тунд хамрагдсан байна. Нийслэлийн Засаг дарга бөгөөд Улаанбаатар хотын Захирагч Д.Сумъяабазар Нэмэлт тунд хүн амын 50 хувийг хамруулчихвал бид шар бүс рүү шилжих учраас иргэдээ нэмэлт III тундаа идэвхтэй хамрагдахыг уриалж байна гэсэн юм.
Сэтгэгдэл үлдээх