Өнөөдөр ихэнхи нутгаар солигдмол үүлтэй. Шөнөдөө Хэнтийн уулархаг нутаг, Онон, Улз, Халх голын сав газраар, өдөртөө Халх голын сав газраар ялимгүй цас орно.
Маргааш буюу 31-ний өдөр Монгол-Алтайн уулархаг нутаг, Халх голын сав газраар, 2-р сарын 01-ний өдөр Хангай, Хөвсгөлийн уулархаг нутгаар ялимгүй цас, 02-ны өдөр баруун аймгуудын нутгийн баруун болон өмнөд хэсгээр, 03-ны өдөр баруун аймгуудын нутгийн баруун, говийн аймгуудын нутгийн өмнөд хэсгээр цас орно.
Салхи ихэнх хугацаанд 5-10 м/с, 30-ны өдөр нутгийн зарим газраар, 31-ний өдөр говь, талын нутгаар 12-14 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө -38-43 градус, өдөртөө -28-33 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Ерөө, Туул, Тэрэлж, Хэрлэн, Улз, Халх голын хөндий, Дарьгангын тал нутгаар шөнөдөө -32-37 градус, өдөртөө -22-27 градус, говийн бүс нутгийн баруун өмнөд хэсгээр шөнөдөө -19-24 градус, өдөртөө -9-14 градус, бусад нутгаар шөнөдөө -25-30 градус, өдөртөө -15-20 градус хүйтэн байна.
