Нийслэлийн прокурорын газраас 2023 оны аравдугаар сарын 3-ны өдөр Дорноговь аймгийн Сайншанд сумаас бага насны хүүхдийг такси үйлчилгээнд яваа мэтээр хууран мэхэлж автомашиндаа суулган хүчээр авч явж хүчирхийлэн улмаар гэмт хэргээ нуун далдлах зорилгоор амь насыг нь хохироосон Г.Г-д холбогдох хэргийг энэ оны хоёрдугаар сард яллах дүгнэлт үйлдэн Дорноговь аймаг дахь сум дундын эрүүгийн хэргийн анхан шатны шүүхэд шилжүүлсэн.
Харин өнөөдөр буюу 2024 оны гуравдугаар сарын 19-нд шүүхийн урьдчилсан хэлэлцүүлэг болж, хэргийг гэм буруугийн хуралдаан руу шилжүүлэн, дараагийн шүүх хурлыг 2024 оны гуравдугаар сарын 29-ний өдрийн 09:00 цагт хийхээр товложээ. Прокуророос Г.Г-д Эрүүгийн хуулийн
- 13.2 дугаар зүйлийн 2.1 /Хүн хулгайлах/,
- 12.1 дүгээр зүйлийн 4 /Хүчиндэх/,
- 10.1 дүгээр зүйлийн 2.1, 2.4, 2.7 /Хүнийг алах/-д зааснаар яллах дүгнэлт үйлдсэн байна.
