Мали нуур дулаан уур амьсгалын улмаас ширгэж байна

Баруун Африкийн Мали дэлхийн хамгийн ядуу орнуудын нэг юм. Түүнчлэн уур амьсгалын өөрчлөлтөд хамгийн эмзэг гэж тооцогддог.

Олон улсын Улаан загалмайн нийгэмлэг уур амьсгалын хямрал нь тэнд байгаа нөхцөл байдлыг улам дордуулж байгааг анхааруулж байна. Мали ихэвчлэн цөл эсвэл хагас цөлөөс бүрддэг. Тиймээс иргэдэд нь ус маш үнэ цэнэтэй зүйл юм. Гэвч ус багасаж байгаа нь тэднийг улам аюулд оруулж байна.

Бинтагунгоугийн ойролцоох Фагуйбейн нуур нь Тимбуктугаас баруун зүгт 80 км -т байрладаг. Элсэн манхан нь асар том усыг орлож, температур нь 50С (122F) хүрдэг аж.

Нуурын зарим хэсэгт маш бага ус үлдсэн тул малчид цаашдаа ус, хоол хүнс хайхаар малаа алдаж байна. Бэлчээрийн газар ховордсоноор малчид, тариачдын хооронд зөрчилдөөн үүсэх нь энгийн үзэгдэл болжээ.“Хүрэлцэхүйц орон зай тийм ч их байдаггүй учраас малчин, тариаланчдын хооронд зөрчилдөөнгүй өдөр байдаггүй” гэж Махамаду Осман хэлжээ.

Олон улсын улаан загламайн хорооноос мэдээлэхдээ усны нөөц багасч байгаа тул бүс нутгийн мэргэжилтнүүд дэлхийн удирдагчдаас яаралтай арга хэмжээ авахыг хүсч байна. COP26 дээр бид дэлхийн удирдагчдыг тодорхой арга хэмжээ, тодорхой оролцоо, уур амьсгалын арга хэмжээг чимээгүйхэн зовж буй хүмүүст хамгийн ойр байлгахыг уриалж байна. Харамсалтай нь өнөөдрийг хүртэл энэ арга хэмжээ хамгийн бага хэмжээнд байсан гэв.