Сонгинохайрхан дүүргийн 3-р хороонд улсын төсвийн хөрөнгө оруулалтаар баригдаж буй хөлбөмбөгийн талбай бүхий спорт цогцолборын ажил 90 хувийн гүйцэтгэлтэй үргэлжилж байна.
2022 онд эхэлсэн уг төсөл нь 21,000 м² талбайг хамрах бөгөөд нийт 24 айлын газрыг чөлөөлж, газар шорооны болон тэгшилгээний ажлуудыг хийжээ.
Шинэ спорт цогцолборт:
• 95х45 хэмжээтэй хөлбөмбөгийн талбай
• 3х3 болон 5х5 сагсан бөмбөгийн талбай (нийт 3)
• Газрын теннисний 2 талбай
• 6 эгнээ гүйлтийн зам
• Хүүхдийн тоглоомын болон бялдаржуулах талбай
• Гэрэлтүүлэг, ногоон байгууламж зэрэг иж бүрэн байгууламжууд багтжээ.
Гүйцэтгэгчээр “Аглуут” ХХК ажиллаж байгаа бөгөөд цогцолбор ашиглалтад ороход бараг л бэлэн боллоо. Энэхүү цогцолбор нь нийслэлийн хэмжээнд хоёр дахь том байгууламж болохоороо онцлог юм.
Сэтгэгдэл үлдээх