Нүүр хуудас Мэдээ Зорчигч тээврийн Драгон, Тэнгэр, Лавай автовокзалуудад ариутгал, халдваргүйжүүлэлт хийж үнэгүй маск тараалаа

Зорчигч тээврийн Драгон, Тэнгэр, Лавай автовокзалуудад ариутгал, халдваргүйжүүлэлт хийж үнэгүй маск тараалаа

Admin
Admin, TODNEWS.MN

Шинэ коронавирусийн дэгдэлттэй холбоотойгоор орон нутаг зорих иргэдийн урсгал нэмэгдсэн. Хот хооронд өдөрт 76 чиглэлд дундажаар 4000-5000 орчим зорчигч үйлчлүүлдэг бол зорчигч урсгал, ачаалал ихтэй эдгээр өдрүүдэд зөвхөн Улаанбаатараас орон нутагруу зорчигчдын тоо 6000 гаруй болж нэмэгджээ. Иймд орон нутгийн зарим чиглэлүүдэд тээврийн хэрэгслийн техникийн бүрэн бүтэн байдлыг хангасан нэмэлт автобус гаргаж иргэдэд хүлээлт үүсгэхгүй зорчих ажиллагааг хэвийн явуулж байгааг АТҮТ-өөс мэдэгдлээ.

Мөн зорчигч тээврийн төвүүд болох Драгон, Тэнгэр, Лавай автовокзалууддаа ариутгал, халдваргүйжүүлэлт хийж, мэргэжлийн эмчээр жолооч болон үйлчлүүлэгчдийн биеийн байдалд хяналт тавьж, анхан шатны тусламж, үйлчилгээг үзүүлж эхэлжээ. Сэрэмжлүүлэг мэдээлэл, зөвлөмж хүргэх, гар ариутгах, амны хаалт зүүх шаардлагыг тавьж, биеийн халууныг шалгаж байгаа юм байна. Түүнчлэн нийгмийн хариуцлагын хүрээнд зорчигчдод үнэгүй амны хаалт тарааж, халдвараас урьдчилан сэргийлэх үйл ажиллагааг зохион байгууллаа.

Өнгөрсөн сарын 20-ны өдрөөс нэмэлтээр 70-80 тээврийн хэрэгслийг гаргаж байгааг онцоллоо. Ховд, Баян-Өлгийн, Увс, Завхан, Дархан, Өвөрхангай чиглэлүүдэд зорчигч урсгал хамгийн их ачаалалтай байна.

АТҮТ-өөс жилдээ 1000 гаруй тээврийн хэрэгслээр 2,6 сая зорчигч хот хооронд зорчдог бөгөөд цаг агаар болон замын нөхцөл байдал, онцгой нөхцөл байдалтай холбоотой шуурхай арга хэмжээнүүдийг тухай бүрт нь зохион байгуулж байгааг тус албанаас мэдэгдлээ.

АНХААР! Сэтгэгдэл хэсэгт ёс бус бичвэр оруулахыг хориглоно.

0 СЭТГЭГДЭЛ

ХАРИУ ҮЛДЭЭХ

Сэтгэгдэл ээ оруулна уу
Та нэрээ бичнэ үү