Нүүр хуудас Мэдээ Алтанбулаг боомтоор нэвтрэх ОУ-ын ачаа тээврийн урсгалд ариутгал, халдваргүйтгэл хийж саадгүй нэвтрүүлж байна.

Алтанбулаг боомтоор нэвтрэх ОУ-ын ачаа тээврийн урсгалд ариутгал, халдваргүйтгэл хийж саадгүй нэвтрүүлж байна.

Admin
Admin, TODNEWS.MN

        Улсын Онцгой комисс 3-р сарын 17-ны өдрийн 12-р хуралдаанаар МУ-д хүнсний хомсдол үүссэхээс сэргийлж ОХУ талаас ирэх олон улсын ачаа тээврийн урсгалыг өндөр хяналт, зохион байгуулалтын дор Улсын хил дээр ариутгаж халдваргүйжүүлэх мөн УБ дахь гаалийн хяналтын талбай хүртэл цагдаагийн хяналттайгаар саадгүй нэвтрүүлж, буцах хүртэлх бүх  хөдөлгөөнийг хянах тухай үүрэг чиглэлийг Сэлэнгэ аймгийн Онцгой комисст хүргүүлсэн. 

       Дээрх чиглэлийн дагуу Сэлэнгэ аймгийн Онцгой комисс 3-р сарын 19-ний өдрөөс эхэлж Алтанбулаг боомтоор нэвтрэх бүх ачаа тээврийн урсгалыг нэгдсэн зохион байгуулалттайгаар тусгай хаягжуулж цагдаагийн эргүүл хамгаалалттайгаар УБ дахь гаалийн хяналтын цэгт хүргэх ажлыг саадгүй зохион байгуулж аюулгүй байдлыг ханган ажиллаж байгааг онцолж байна.

         Сэлэнгэ аймаг өндөржүүлсэн бэлэн байдлын зэрэгт шилжсэн энэ үед Алтанбулаг Шалган нэвтрүүлэх боомтоос нэвтрэх тээврийн бүх хөдөлгөөнийг ариутгал, халдваргүйтгэлийн тусгай “ПУНКТ”-ээр оруулж  нэвтрүүлж байгаа.

 

Алтанбулаг боомтоор нэвтрэх ОУ-ын ачаа тээврийн урсгалд ариутгал хийж, саадгүй нэвтрүүлж байна.

Posted by Todnews.mn on Sunday, March 22, 2020

          Хилээр нэвтэрч байгаа эдгээр бараа таваарын чанар, аюулгүй байдалд мэргэжлийн байгууллагууд хяналт тавьж байгаа бол тээврийн хөдөлгөөнд оролцож байгаа жолооч нарын эрүүл мэндийг орос-монголын хил дээр  давхар хяналж нэвтрүүлж байгаа тул ард иргэдийг элдэв сөрөг бодолд автахгүй байхыг анхааруулж байна. Дээрх ачаа тээвэр МУ-д саадгүй нэвтэрснээр хүнсний болон өдөр тутмын бараа эргэлтийн хомсдол үүсэхгүй байх нөхцөл боломжийг бүрдүүлнэ гэж үзэж байна.

          Алтанбулаг хилийн шалган нэвтрүүлэх боомтоор ачаа тээврийн урсгал өндөр хяналт шалгалтын дор нэвтэрч байгаа энэ өдрүүдэд ОХУ талаас ирэх монгол улсын иргэдийн цуваа үргэлжилсээр байна.

Сэлэнгэ аймаг дахь мэдээллийн эх сурвалж: "Таны Сэлэнгэ" ТВ Б.Амарзаяа

АНХААР! Сэтгэгдэл хэсэгт ёс бус бичвэр оруулахыг хориглоно.

0 СЭТГЭГДЭЛ

ХАРИУ ҮЛДЭЭХ

Сэтгэгдэл ээ оруулна уу
Та нэрээ бичнэ үү