Монгол Улсын Ерөнхий сайд У.Хүрэлсүх цаг үеийн нөхцөл байдалтай уялдуулан ард иргэдэд хандан мэдэгдэл хийлээ. 

                    Олон улсад үүсээд байгаа цар тахалын улмаас аж ахуй нэгжүүдийн үйл ажиллагаа доголдож эхэлсэн. Иймээс эдийн засагт үүссэн хүндрэлийг даван гарах чиглэлээр арга хэмжээ авч ажиллаж байгааг онцлоод "Засгийн газраас 150 тэрбум төгрөгийн санхүүжилтийг Эрүүл мэндийн салбар, холбогдох байгууллагуудад хэрэгтэй зүйлээр хангахад гаргахаар болсон. Ингэснээр ард түмнийхээ эрүүл мэндийг хамгаалах чиглэлд 200 тэрбум төгрөгийг гаргаж байгааг хэллээ. Мөн эдийн засгийн хүндэрсэн нөхцөл байдалд тохирсон арга хэмжээг авч хэрэгжүүлэхдээ хувийн хэвшлээ дэмжих дараах шийдвэрүүдийг гаргалаа".  

1. 4 сарын 1-нээс 10 сарын 1 хүртэл 6 сарын хугацаанд НДШ-ийг бүрэн 0-лэх .

2. 4 сарын 1-нээс 10 сарын 1 хүртэл мөн 6 сарын хугацаанд иргэдийн цалин хөлснөөс авдаг ХАОАТ -ыг 0-лэх. 

3. 4 сарын 1-нээс 10 сарын 1 хүртэл 1.5 тэрбум төгрөгийн орлоготой ААН-ийн ОАТ-ыг 0-лэх. 

4. 4 сарын 1-нээс 10 сарын 1 хүртэл хүндэрсэн ААН-ийн ажилтан бүрт нь 200 мянган төргөийн урамшуулал олгох. 

5. 4 сарын 1-нээс 10 сарын 1 хүртэл малчдаас ноолуур худалдан авах зорилгоор 3%-ийн хүүтэй 300 тэрбум төгрөгийн хөнгөлөлтэй зээл олгох.

6. 3 сарын турш 18 нас хүртэлх насны бүх хүүхдэд сар бүр олгож байгаа 20 мянган төгрөг дээр 10 мянган төгрөг нэмж олгох. 

7. 4 сарын 15-наас эхлэн шатахууны үнийг литр тутамд нь  200-300 төгрөгөөр буулгах зэрэг арга хэмжээг авахаар боллоо.  Дээрх хөнгөлөлт, арга хэмжээг хэрэгжүүлэхэд 5 их наяд төгрөгийн санхүүжилт хэрэгтэй юм байна.