Нүүр хуудас Мэдээ Найрамдал зуслангийн газар кадастрын мэдээллийн санд бүртгэлгүй байна

Найрамдал зуслангийн газар кадастрын мэдээллийн санд бүртгэлгүй байна

Чинзориг
Чинзориг, TODNEWS.MN

Олон улсын хүүхдийн Найрамдал төв”-ийн эзэмшил 1225 га нэгж талбар нь газрын кадастрын мэдээллийн санд бүртгэлгүй байна гэж Нийслэлийн мэргэжлийн хяналтын газраас мэдээллээ. 2007 онд тус талбарыг бүртгэж байсан ч кадастрын зургийг устгасан нь газрын кадастрын тухай хуулийг зөрчсөн явдал аж.

 

Найрамдал зуслангийн орчны газрыг 1999 онд Нийслэлийн Иргэдийн төлөөлөгчдийн хурлын тэргүүлэгчдийн тогтоолоор нийслэлийн тусгай хамгаалалтад авсан. Тусгай хамгаалалттай газрын хамгаалалтын горимд барилга байгууламж барихыг хориглодог. Гэвч зуслангийн орчим газарт замбараагүй барилга байгууламж баригдаж байгаа нь зөрчил тул энэ талаар арга хэмжээ авах тухай албан бичгийг Нийслэлийн засаг даргад хүргүүлжээ.

 

Олон улсын Найрамдал зуслангийн орчны газарт одоогоор 120 нэгж талбар буюу 22 га талбай бүхий газрыг иргэн, аж ахуй нэгжүүдэд эзэмшүүлсэн. Үүний 21 нэгж нь төрийн байгууллага бол иргэн аж ахуй нэгжийн эзэмшдэг 62 талбарт нь барилга байгууламж барьсан байна.

Барилга барьсан 62 нэгжийн

  • 47-д нь Нийслэлийн Засаг даргын захирамжаар
  • 13-т нь Сонгино хайрхан дүүргийн Засаг даргын захирамжаар 2006-2017 онуудад зөвшөөрөл өгчээ.

Харин тухайн барилгуудыг 2000-2014 онд Барилга, хот байгуулалтын сайдын тушаалаар зөвшөөрөл шаардахгүй барилга байгууламжид хамааруулсан байна.

АНХААР! Сэтгэгдэл хэсэгт ёс бус бичвэр оруулахыг хориглоно.

0 СЭТГЭГДЭЛ

ХАРИУ ҮЛДЭЭХ

Сэтгэгдэл ээ оруулна уу
Та нэрээ бичнэ үү