Улсын Онцгой комиссоос өчигдөр /2021.01.24/ нийслэлд хамгаалалтад авагдсан, идэвхтэй голомтуудын байршлыг зарласан билээ. Тодруулбал, өчигдрийн байдлаар дараах найман байршлыг хамгаалалтад авч, хэсэгчилсэн хязгаарлалт тогтоосон.
- БГД: 12-р хороо 19-р байр
- БГД: 25-р хороо Голденпарк 303
- БЗД: 26-р хороо Баянмонгол 416
- БЗД: 2-р хороо 4,5-р хэсэг
- СХД: 8-р хороо 50 айлын орон сууц
- СХД: 29-р хороо 141-р байр
- СБД: 3-р хороо 45-р байр
- СБД: 12-р хороо Хангайн 20-778б тоот дахь нийтийн байр
Эдгээр байршилд холбогдох албаныхан иргэдээс шинжилгээ авах ажлыг зохион байгуулж байгаа бөгөөд хамгаалалтыг буулгах тов байршил бүрт харилцан адилгүй байгаа юм.
Тиймээс иргэд шаардлагагүй тохиолдолд гэрээсээ гарахгүй байхыг уриалж байна. Мөн гэрээсээ гарсан нөхцөлд халдвар хамгааллын дэглэмээ сайтар мөрдөж, зорчилт хөдөлгөөний QR бүртгэлээ тогтмол хийх шаардлагатай. Ингэснээр иргэн та үүргээ биелүүлж, өөрийгөө болон бусдыг халдвараас хамгаалахад хувь нэмрээ оруулах юм.
Коронавируст /Covid-19/-ийн ерөнхий шинж тэмдгүүд илэрсэн нөхцөлд иргэн та өөрийгөө яаралтай тусгаарлаж, холбогдох байгууллагуудад мэдэгдэх үүрэгтэй. Энэ тохиолдолд 119 тусгай дугаарт холбогдон заавар, зөвлөгөө, мэдээлэл аваарай.
Сэтгэгдэл үлдээх