Ерөнхийлөгч У.Хүрэлсүх өнөөдөр 11:40 цагт тангаргаа өргөмөгцөө Үндэсний аюулгүй байдлын зөвлөлийг хуралдуулж, долдугаар сарын 1-нээс хойш төр засаг ямар арга хэмжээ авах талаар хэлэлцэх аж.
Covid-19 халдварын улмаас улс орны эдийн засаг болоод нийгмийн олон салбарт хүндрэл үүсч буй. Монгол Улсын Засгийн газраас айл өрх, аж ахуйн нэгжийн цахилгаан, дулаан, ус хогийн төлбөрийг тэглэх шийдвэр гаргасан. Тодруулбал, 2020 оны арванхоёрдугаар сарын 1-нээс хэрэгжсэн шийдвэр долдугаар сарын 1-нд дуусах юм. Засгийн газрын зүгээс зарим нэг арга хэмжээг цаашид үргэлжлүүлэх эсэхийг судалж байгаа гэж өмнө нь мэдээлж байсан билээ.
ЦАР ТАХЛЫН ҮЕД ЗАСГИЙН ГАЗРААС ХЭРЭГЖҮҮЛЖ БУЙ АРГА ХЭМЖЭЭ
- Иргэдийн амжиргааг дэмжих зорилгоор 18 хүртэлх насны хүүхдүүдэд олгодог хүүхдийн 100 мянган төгрөг болгох,
- Цар тахлын үед айл өрх, зарим аж ахуйн нэгжүүдийг хэрэглээний эрчим хүч, ус дулаан, хогны төлбөрийг төр хариуцна,
- 2021 оны долдугаар сарын 1-ний өдрийг хүртэл хугацаанд хуульд заасан хугацаанд НДШ төлөөгүй төрийн болон орон нутгийн өмчит түүний оролцоотой хуулийн этгээдээс бусад аж ахуйн нэгж, байгууллагыг татвараас чөлөөлөх,
- 2021 оны долдугаар сарын 1-нийг хүртэл хугацаанд Албан татвар төлөгчийн хуулийн дагуу тайлангаа гаргасан төлбөл зохих татварыг хуулийн хугацаанд төлөөгүй бол торгуулиас чөлөөлөх,
- 2021 оны долдугаар сарын 1-нийг хүртэл хугацаанд импортоор орж ирэх хүнсний будаа, ургамлын тос, өвс, малын тэжээл, хүнсний буудайн үрийг импортын бараа болон гааль, НӨАТ-ын татвараас, дотооддоо боловсруулсан өвс, тэжээлийг НӨАТ-аас чөлөөлөх,
- Ипотекийн зээлийг 2021 оны долдугаар сарын 1-нийг хүртэл хугацаанд үндсэн болон хүүгийн төлбөрийг зээлдэгчийн хүсэлд үндэслэн хойшлуулна.
Сэтгэгдэл үлдээх