Үндэсний аудитын газарт мөрийн хөтөлбөрөө хүргүүлсэн намууд:
- Иргэдийн оролцооны нэгдэл нам (ИОНН)
- Ард түмний олонхийн засаглал нам (АТОЗ)
- Зүй ёс нам
- Монгол шинэчлэлт нам
- Эх орон нам
- Ард түмний хүч нам
- ХҮН нам
- Монголын либериал ардчилсан нам
- Иргэний хөдөлгөөний нам
- Эх орончдын нэгдсэн нам
- Үнэн ба зөв нам
- Сайн ардчилсан иргэдийн нэгдсэн нам
- Социал демократ нам
- Ардчилсан нам
- Эрх чөлөөг хэрэгжүүлэгч нам
- Монгол консерватив нам
- Дэлхийн монголчууд нам
- Ардчилал шинэчлэлийн нам
- Гэр хороолол хөгжлийн нам
- Бүгд найрамдах нам
- Их эв нам
- Монголын хүний төлөө нам
- Монголын либериал нам
- Иргэний зориг ногоон нам
- Хөгжлийн хөтөлбөр нам
- Монгол ардын нам
- Эрх чөлөөний эвсэл нам (Зон олны нам)
Үндэсний аудитын газарт мөрийн хөтөлбөрөө хүргүүлсэн эвслүүд:
- Үндэсний эвсэл (Монголын ногоон нам, Монгол үндэсний ардчилсан нам)
- Шинэ нэгдсэн эвсэл (Шинэ нам, Монголын уламжлалын нэгдсэн нам)
Харин өдгөө шинээр эвсэл байгуулах, эсвэл нэгдэх гэсэн ойлголт байхгүй. Нэгэнт байгуулсан эвсэл дээр өөр нам нэмэгдэхийг УИХ-ын сонгуулийн тухай хуулийн 27.6 дахь заалтаар хориглосон байдаг.
Иргэний зориг, ногоон намын дарга Б.Батбаатар УИХ-д суудалгүй бүх намыг нэгдэхийг уриалан хэд хэдэн удаагийн уулзалт зохион байгуулаад ч тусыг эс олсон. Харамсалтай нь, тус намтай эвсэх нэг ч нам гарч ирээгүй юм. Тиймээс Иргэний зориг, ногоон нам дангаараа сонгуульд оролцохоор мөрийн хөтөлбөрөө өгчээ. Ингэснээр энэ удаагийн УИХ-ын сонгуульд хоёрхон эвсэл оролцох нь. Намуудын тухайд 27-гоос цөөхөн нам сонгуульд оролцох магадлалтай. Тухайлбал, өнгөрсөн 2020 оны сонгуульд анх 15 нам, дөрвөн эвсэл оролцохоо илэрхийлж Үндэсний аудитын газарт мөрийн хөтөлбөрөө хүргүүлсэн ч хоёр нь замын дундаас буцаж 13 нам, хоёр эвсэл сонгуульд оролцсон байдаг. Тиймээс энэ удаад ч ийм нүүдэл хийхийг үгүйсгэхгүй юм.
