Байгаль орчин, аялал жуулчлалын яам, Цагдаагийн ерөнхий газар, Онцгой байдлын ерөнхий газар, Нийслэлийн Засаг даргын Тамгын газар, Агаар орчны бохирдлыг бууруулах үндэсний хороо зэрэг байгууллагуудын төлөөлөл багтсан ажлын хэсэг айл, өрхүүдийн угаарын хийн мэдрэгчийг шалгалаа. Угаарын хийн мэдрэгч эвдэрсэн, батарей дууссан үед нь засварлах, шинэ зай авч хийдэггүй. Үүнээс үүдэн угаарын хийн хордлогод орох эрсдэл бий.
Тиймээс “Утаагүй, угааргүй, ухаалаг хэрэглэе” аяны хүрээнд айл өрхийн угаарын хийн мэдрэгчийг шалгахын сацуу зөв хэрэглээний талаарх мэдээллийг өгч ажиллаж байгаа юм. Угаарын хийн мэдрэгч эвдэрсэн тохиолдолд тухайн өрхийн ахлагчид хэлж, засаж засварлах эсвэл шинэчлэх арга хэмжээ авч ажиллаж байна.
Сэтгэгдэл үлдээх