Өнөөдөр: 2024-03-29

Эрээнд хотод “COVID-19”-ийн таван тохиолдол бүртгэгдэж, бүх хөдөлгөөнийг хаажээ

БНХАУ-ын Эрээн хотод өнөөдөр (2021.10.19) COVID-19-ийн таван тохиолдол бүртгэгдэж, 00.00 цагаас хүнсний дэлгүүр, эмийн сангуудаас бусад хотын бүх хөдөлгөөнийг бүрэн хааж, дэглэмийг чангатган, иргэдийн хөдөлгөөнд дрон болон камерын хүчээр нэмэлт хяналт тавьж эхэлсэн байна. Эрсдэлийн бүсээс хамаарч 2, 3 дахь удаагийн ПСР шинжилгээг хэсэгчлэн авах ажлыг хийж байгаа гэж Монгол Улсаас Эрээн хотод суугаа Консулын газраас мэдээлэв.

Халдварын  тархац, нөхцөл байдалдтай холбогдуулан ӨМӨЗО-ы Шилийн гол аймгийн бусад хошуудад бэлэн байдлыг нэмэгдүүлж,

  • Цар тахлын голомттой бүс нутаг болох Эрээн хот, Альшаа аймаг Эзнээ хошуу зэрэг газруудаас 2021 оны аравдугаар сарын 1-нээс хойш ирсэн иргэдийг ПСР-ын шинжилгээнд хамруулж, гэрт нь долоо хоног тусгаарлах
  • Олон нийтийн үйлчилгээний газруудад иргэдийг нэвтрүүлэхдээ биеийн халууныг тогтмол хэмжих зэргээр цар тахлын дэглэмийг чанд мөрдүүлөх
  • Эмнэлгийн үйлчилгээний чадамжийг сайжруулж, цар тахлаас урьдчилан сэргийлэх, халдвар тархах эрсдэлийг бууруулах нөхцлийг бүрдүүлж, бэлэн байдлыг хангах
  • Хүнсний бүтээгдэхүүн, түүхий эдийн халдвараас урьчилан сэргийлэх ариутгал халдваргүйжүүлэлт хийж, бүтээгдэхүүнээс тогтмол ПСР шинжилгээ авах
  • Вакцинжуулалтад 18-аас дээш насны иргэд, түүнчлэн малчдыг хамруулах ажлыг эрчимжүүлж, цар тахлын үеийн дэглэм, урьдчилан сэргийлэх мэдээлэл түгээх ажлыг эрчимжүүлэх, цар тахлыг дэглэмийг зөрчсөн тохиолдолд холбогдох хуулийн хариуцлага хүлээлгэхийг сануулах зэрэг арга хэмжээ авч эхлээд байна.

БНХАУ-ын зарим бус нутгуудад цар тахлын нөхцөл байдал хүндрэх төлөвтэй байгааг анхааралдаа авч, тус улсын Үндэсний Эрүүл мэндийн хороо, Өвчнөөс урьдчилан сэргийлэх, хяналтын товчооноос ӨМӨЗО, Нинься, Ганьсу, Шааньси мужуудад ажлын хэсэг илгээж, орон нутгийн удирдлагуудыг цар тахалтай тэмцэх мэргэжил, арга зүйн удирдлагаар хангаж байна гэлээ.

Сэтгэгдэл үлдээх

Anna Nikova
Noxoai

atorvastatin 80mg ca <a href="https://lipiws.top/">cost lipitor 80mg</a> generic lipitor 10mg