Амьтад дээр туршилт хийхиийг эсэргүүцдэг, амьтны эрхийг хамгаалах зорилготой PETA олон улсын байгууллагын долоон жилийн тэмцлийн үр дүнд “Burberry” дахин амьтны арьс ашиглахааргүй болжээ. Цар тахлаас шалтгаалсан хөрөнгийн зах зээлийн уналтын үеэр PETA “Burberry”-ын хувьцаа эзэмшигч болсон юм. Үүний дараа компанийн хурлын үеэр хэвлээр явагчдын зовлонгоор ашиг олохоо зогсоохыг идэвхтэй уриалж эхэлсэн. Олон удаагийн загварын долоо хоногоор гудамжинд жагсаал цуглаан хийж удирдах зөвлөлийн хурлуудад идэвхитэй оролцсоны эцэст ийнхүү амжилтад хүрч “Burberry” матар могой зэрэг хэвлээр явагчдын арьсыг үйлдвэрлэлдээ ашиглахгүй гэдгээ мэдэгджээ. “Burberry” амьтны эрхийг маш ноцтойгоор зөрчдөг. Тэр дундаа матар болон могойг хэрцгийгээр хөнөөдөг тухай PETA олон баримт дэлгэсэн билээ.
Сэтгэгдэл үлдээх