Өмнөговь аймгийн орон нутгийн өмчит "Тавантолгой ХК"-аас тус аймгийн 60-аас дээш насны ахмадууддаа тус бүр 1 тонн нүүрс үнэгүй олгохоор боллоо.
Тодруулбал, жил бүр тус компаниас ахмадууддаа үнэгүй нүүрс олгодог бөгөөд ахмадуудад нүүрс авах эрхийн бичиг, талоныг олгож эхэлсэн байна.
Өмнөговь аймгийн нутаг дэвсгэрт 10 гаруй уул уурхайн компани үйл ажиллагаа явуулдаг. Харин үүнээс ганц "Тавантолгой ХК" буюу тус аймгийн ууган уурхай нь орон нутгийн өмчит юм. Уг компанийн 51 хувь нь орон нутгийн мэдлийнх бөгөөд ашгаас нь орон нутгийнхаа хөгжилд зарцуулдаг билээ. Орон нутгийн иргэдэд тухайн компаниас ийнхүү ашгаа өгсөөр байгаа юм.
Сэтгэгдэл үлдээх