Зэвсэгт хүчний 326 дугаар ангид хугацаат цэргийн алба хаагч нас барсан хэрэг гарсантай холбогдуулан Батлан хамгаалахын сайдын зөвлөл хуралдаж ажлын хэсгүүд байгуулж, арга хэмжээ авахаар болжээ.
Үүнд:
- Зэвсэгт хүчний 326 дугаар ангид хугацаат цэргийн алба хаагчдын эцэг, эхчүүдээс гаргасан санал хүсэлтийг яаралтай судлан шийдвэрлэх
- Хугацаат цэргийн алба хаагчдын алба хааж буй ахуй нөхцөлийн байдалд бодит дүгнэлт хийж, нөхцөлийг сайжруулах; /цэргийн сургалт, хүмүүжлийн үйл ажиллагаа, сэтгэл зүйн байдал, ахуй хангалт,
- Алба хаагчдын эрүүл мэндийн асуудалд онцгой анхаарч бүх ангиудад үзлэг явуулах ажлыг Эрүүл мэндийн яамтай хамтран зохион байгуулах;
- Цэрэг татлагатай холбоотой дүрэм, журмуудад өөрчлөлт оруулж, ажлын уялдаа холбоог сайжруулах;
- Зэвсэгт хүчний хэмжээнд хугацаат цэргийн албанд татагдсан дайчдын албаа хаах эрмэлзлэлийг дэмжихэд чиглэсэн зорилтот үйл ажиллагааг зохион байгуулах зэрэг ажлыг яаралтай гүйцэтгэж, ил тод мэдээллэхээр болжээ.
