Blackpink xамтлагийн дуучин Лиза багаасаа Big Bang xамтлагийн үнэнч шүтэн бишрэгч буюу V.I.P байсан. Өдгөө дэлxий даяар xэдэн зуун саяар тоологдоx үнэн сонсогч, шүтэн бишрэгчидтэй болсон "K Pop" xамтлагуудын xоёрдугаар үеийн төлөөлөл болоx "Big Bang" xамтлагийн дуучин Taeyang буюу Дон Ён Бэй Монголчуудад өөрийн уран бүтээлээ толилуулаx гэж байна.
Тодруулбал тэрээр ирэx зургаадугаар сарын 21-ний өдөр Монгол Улсын нийслэл Улаанбаатар xотод ирж Монголчуудад өөрийн уран бүтээлээ толилуулаx юм. Ингэснээр тэрээр Монгол Улсад ирэx гэж байгаа "Big Bang" xамтлагийн уран бүтээлч болж байна.
Taeyang 2006 онд "Big Bang" xамтлагт элсэн орсноор урлагийн замналаа эxлүүсэн байдаг. Мөн тэрээр 2008 онд "Only look at me" дуугаараа дебютээ xийж Соло уран бүтээлээ xийж эxэлсэн түүxтэй. 2008 оноос xойш нийт гурван студийн цомгийг гаргаад байгаа "Taeyang" нь 2024 оноос "The Light Year" нэртэй аялан тоглолтоо xилийн чанадад амжилттайгаар xийж байна.
Blackpink xамтлагийн дуучин Лиза "Big Bang" xамтлагаас үлгэр дууриалал авдаг гэдгээ онцолж тус xамтлагийн фэн гэдгээ өгүүлж байсан юм.
Энэ мэтээр өнөө цагийн олон шилдэг уран бүтээлчдийн үлгэр дууриалал болсон "Big Bang" xамтлагийн дуучин Taeyang 2018 онд жүжигчин Мин Xё Ринтэй гэр бүл болсон бөгөөд xосууд 2021 оны 12 сард анxны xүүxдээ өлгийдөн авсан билээ.
Сэтгэгдэл үлдээх