Улсад 30-35 жил ажиллаад тэтгэвэрт гардаг болно

Эмэгтэй даатгуулагч 30 жил, эрэгтэй даатгуулагч 35 жил ажилласан тохиолдолд өөрөө хүсвэл өндөр насны тэтгэврээ тогтоолгох эрхтэй байхаар, харин даатгуулагч өөрөө хүсвэл 60, 65 насандаа ч тэтгэвэртээ гарч болохоор сонголт бий болгох хуулийг хэлэлцэхээр болжээ. Засгийн газрын өчигдөрийн /2017.06.29/ хуралдаанаар тэтгэврийн насыг бууруулах болон иргэд өөрсдөө сонголтын үндсэн дээр тэтгэвэрт гарах боломжийг бүрдүүлсэн хуулийн төслийг хэлэлцэж, УИХ-аар хэлэлцэхийг дэмжлээ. Хэрэв хууль хэрэгжиж эхэлбэл иргэд улсад 30-35 жил ажилласан бол шууд тэтгэвэрт гарах боломжийг нээгдэх юм. Тодруулбал,  Мөн Хөдөлмөрийн тухай хуулийн 40.1.3-т зааснаар “...ажилтан 60 нас хүрч өндөр насны тэтгэвэр авах эрх үүссэн бол... ажилтан өөрөө хүссэний дараа хөдөлмөрийн гэрээг цуцалж байхаар" Хөдөлмөрийн тухай хуульд холбогдох нэмэлт, өөрчлөлтийг оруулахаар боловсруулжээ. Т.Цолмонсайхан