Эмэгтэйчүүд эрэгтэйчүүдээс илүү никотиноос хамааралтай болох магадлал өндөр байдаг аж. Тамхи татах нь АНУ-д урьдчилан сэргийлэх боломжтой өвчин, нас баралтын тэргүүлэх шалтгаан хэвээр байгаа бөгөөд АНУ-ын Өвчний хяналт, урьдчилан сэргийлэх төвийн мэдээлснээр жил бүр 480 мянга гаруй америкчууд тамхинаас болж нас бардаг байна. 2021 оны байдлаар Америкийн насанд хүрэгчдийн 11 орчим хувь нь тамхи татдаг гэсэн судалгаа байгаа бөгөөд эрэгтэйчүүд эмэгтэйчүүдээс арай илүү тамхи татдаг байна.
Гэсэн хэдий ч цөөн эмэгтэйчүүд никотин донтолттой болох магадлал өндөр болохыг судалгаагаар тогтоосон байна. Төслийг удирдаж байсан Лексингтон дахь Кентаккигийн Анагаах ухааны коллежийн докторын туслах Салли Паусс "Судалгаанаас харахад эмэгтэйчүүд никотинд донтох хандлага нь эрэгтэйчүүдийг бодвол илүү өндөр байдаг бөгөөд тамхинаас гарахад ч хэцүү байдаг” гэжээ.
Эстрогений үүрэг
Эрэгтэй, эмэгтэй хүмүүсийн нэг тод ялгаа нь тэдний эстроген дааврын үйлдвэрлэл юм. Судлаачид олфактомедин, эстроген, никотины хоорондын харилцан үйлчлэлийг илүү сайн ойлгохын тулд хэд хэдэн судалгаа хийсэн. Тэдний туршилтаар эстроген нь олфактомединыг идэвхжүүлдэг бөгөөд энэ нь эргээд донтолтод оролцдог тархины хэсгүүдэд нөлөөлдөг байна.
Судалгааны үр дүнг энэ сарын 25-нд Сан Антонио хотод болох Америкийн биохими, молекул биологийн нийгэмлэгийн жил тутмын хуралд танилцуулжээ.
https://www.newsweek.com/scientists-reveal-women-easily-addicted-cigarettes-1883124
