Хар тамхи болон хүн амын эмчилгээнд хэрэглэгддэг эмийг эмнэлэгийн бус орчинд тунг хэтрүүлэн хэрэглэж амь насаа алдаж байна

2022 оны эхний хагас жилийн байдлаар хар тамхи болон хүн амын эмчилгээнд хэрэглэгддэг эмийг эмнэлэгийн бус орчинд тунг хэтрүүлэн хэрэглэж, эмийн хордлогод орж амь насаа алдсан 5 удаагийн тохиолдол бүртгэгджээ. Амь насаа алдсан иргэд 17-30 насны өсвөр үе, хүүхэд залуучууд байжээ. Хар тамхи болон хүн амын эмчилгээнд хэрэглэгддэг жортой болон жоргүй олгогдох эмийг гар аргаар найруулан судсаар тариснаас болж амь насаа алдхаас гадна судсанд бөглөрөл үүсч, мэдрэлийн судас нарийсч үе мөч, гар хуруугаа тайруулж хөдөлмөрийн чадвараа алдах тохиолдол нэмэгдэж байна. Амь насаа алдсан 5 удаагийн хэргийн шалтгаан нөхцлийг тодруулахад эмийн зохисгүй хэрэглээ, тун хэмжээг удаан хугацаанд хэтрүүлэн хэрэглэсний улмаас үүссэн байх тул эцэг, эх асран хамгаалагч нарын зүгээс үр хүүхэддээ тавих хараа хяналтаа сайжруулах шаардлагатай байна.