Никотин үхэлд хүргэдэг. Энэ нь бидний олонхыг тамхи татахгүй байх эсвэл тамхинаас гарах шийдвэр гаргахад хүргэсэн мэдэгдэл юм. Гэсэн хэдий ч гадаах агаараар амьсгалах нь бидний эрүүл мэндэд тамхинаас дутахгүй хор хөнөөл учруулдаг гэнэ. Дэлхийн температурын өсөлт, ялангуяа ой хээрийн түймрийн нөлөө нь хүний эрүүл мэндэд томоохон аюул учруулж эхлээд байна. Сүүлийн 20 жилд АНУ-ын агаарын чанар цэвэр агаарын тухай хууль зэрэг бодлогын улмаас сайжирсан. Гэсэн хэдий ч температурын өсөлтөөс болж түймрийн давтамж нэмэгдэж байгаа нь байдлыг дордуулж байна гэж Стэнфордын Дэлхийн системийн шинжлэх ухааны дэд профессор Маршалл Берк ярьжээ. Стэнфорд Вудсын хүрээлэн буй орчны хүрээлэнгийн судалгаагаар 15-20 жилийн өмнө PM2.5-ын бохирдлын ердөө 10 хүртэлх хувь нь буюу 2.5 микрометр ба түүнээс бага диаметртэй амьсгалдаг нарийн тоосонцор нь түймрийн утаанаас үүдэлтэй байсан бол сүүлийн жилүүдэд 25 хувь хүртэл өссөн бол баруун бүсийн нутаг дэвсгэрүүд гал түймэр ихтэй жилүүдэд 50 хувьд хүрдэг байна.
Энэ өсөлт яагаад хамааралтай вэ
Агаар дахь PM2.5 түвшин өндөр байх тусам Агаарын чанарын индекс (AQI) муу болно. Стэнфордын Хүүхдийн хоол хүнсний харшил, дархлаа судлал, астма судлалын профессор Кари Надеау ой хээрийн түймрийн утаанаас үүдэлтэй бохир агаараар амьсгалах нь өдөрт нэг тамхи татсантай тэнцэх бөгөөд AQI-ийн бохирдлын түвшин өсөх тусам өдөрт ойролцоогоор долоон тамхи татсантай тэнцэх хэмжээний сөрөг нөлөөтэй байдаг гэжээ. Таваас дээш хоног хээрийн түймрийн утаанд өртөх нь цус харвалт, уушиг, цус, зүрхийг гэмтээхээс гадна 65-аас дээш насны хүмүүс, жирэмсэн эмэгтэйчүүдэд эрсдэл өндөртэй байдаг аж.
