“IceUniverse”-ийн өмнөх цуурхалтай адил “Apple”-ийн “iPhone 16 Pro Max” нь дэлхийн хамгийн нимгэн ухаалаг утасны хүрээтэй болно гэж мэдэгджээ. “iPhone 16 Pro”-ийн дэлгэц нь “iPhone 15 Pro”-тэй харьцуулахад 6.1 инчээс 6.3 инч хүртэл том бол “iPhone 16 Pro Max”-ийн дэлгэц “iPhone 15 Pro Max” дээрх 6.7 инчээс 6.9 инч болж өсөх магадлалтай байна. Түүнчлэн “iPhone Pro” цуврал нь “A18 Pro” чиптэй байх бөгөөд хар, цагаан (эсвэл мөнгө), саарал өнгө, “iPhone 15 Pro”-ийн цэнхэр титан сонголтыг орлох цоо шинэ сарнайн өнгө гэсэн дөрвөн өнгөний сонголттой байх аж. “iPhone 16 Pro” болон “iPhone 16 Pro Max” нь дахин гурвалсан линзтэй камертай болох тухай цуу яриа гараад байна. Мөн “iPhone 16 Pro Max” нь хоёр шилэн элемент, зургаан хуванцар элемент бүхий гурван линзийг сайжруулна гэж таамаглаж байна. Үүний зэрэгцээ, “iPhone 16” болон “iPhone 16 Plus”-ийн эхний түвшний өөрчлөлтүүд гарч байна. Хэдийгээр үндсэн загварууд нь өөр камертай байх боловч техникийн үзүүлэлтүүд нь шинэчлэгдээгүй бололтой. “IPhone 16” болон “iPhone 16 Plus”-ийн хүлээгдэж буй өнгөний өөрчлөлтөд хар, ногоон, ягаан, цэнхэр, цагаан өнгийн сүүдэр орно. “iPhone 15” болон “iPhone 15 Plus” нь цэнхэр, ягаан, шар, ногоон, хар гэсэн сонголттой. Өмнө нь гарсан цуурхалд жирийн “iPhone 16” цувралыг ягаан, хөх, шар, ногоон, хар, цагаан, нил ягаан гэсэн долоон өнгөний сонголттойгоор худалдаанд гаргана гэж таамаглаж байсан. Шинэ “iPhone” гар утаснуудаа “Apple” компани есдүгээр сард зарлах бололтой.
