Францын “Orano SA” компани Монголын Засгийн газраас тус улсад 1.6 тэрбум ам.долларын өртөгтэй ураны төсөл хэрэгжүүлэх зөвшөөрөл аваад байна.
Монгол, Францын албаны хүмүүс баасан гарагт Улаанбаатарт хөрөнгө оруулалтын гэрээ байгуулсан талаар Францын төрийн мэдлийн уул уурхайн компаниас мэдээлжээ. Орано болон Монголын төрийн өмчит МонАтом групп хамтран 90 мянган тонн ураны нөөцтэй ордуудыг ашиглах юм. Зүүн Азийн стратегийн нөөц баялгийг хамгаалах тухай маргаанаас үүдэн төсөл хэд хэдэн бэрхшээлтэй тулгарсны дараа хэрэгжүүлэх боломж бүрдээд байна. Дэлхийн улс орнууд утаагүй эрчим хүчний үйлдвэрлэлийг нэмэгдүүлэхийн тулд шинэ цөмийн реакторуудыг нэмж байгаа тул ураны эрэлт өсөх төлөвтэй байна.
Уул уурхайн төсөл нь гурван арван жилийн хугацаатай бөгөөд жилд 2500 орчим тонн уран олборлох хүчин чадалтай гэж Орано мэдэгдэв. Энэхүү бүтээн байгуулалт нь Баруун Африкт сүүлийн үед асуудалтай тулгараад байгаа Францын компанийн хангамжийг нэмэгдүүлэхэд тусална. Өнгөрсөн сард Нигерийн цэргийн хунта Сомайрын ураны уурхайг булаан авсны улмаас үйл ажиллагаа явуулах боломжгүй болсон.
