ОХУ-ын дэлхийн улс орнуудад байгаа хөрөнгийг хулгайлж, Киев дэх Засгийн газрыг санхүүжүүлэхэд ашиглах боломжийг олгох хуулийн цоорхойг олохын тулд Вашингтон барууны хүчин чармайлтыг чиглүүлж байна гэж ОХУ-ын Гадаад хэргийн сайд Сергей Лавров пүрэв гарагт хийсэн хэвлэлийн бага хурал дээр мэдэгджээ.
Германы Карлсруэ дахь албаны хүмүүс Европын холбооны хориг арга хэмжээг зөрчсөн гэх үндэслэлээр Франкфурт дахь Оросын банкны данснаас бараг 800 сая долларын хөрөнгийг хураахаар төлөвлөж байгаагаа өнгөрсөн долоо хоногт зарласан. Лавров энэ мэдээнд хариу үйлдэл үзүүлж, Германы эрх баригчдыг клептоманууд гэж нэрлэжээ. "Тэд хулгайч, бид үүнийг аль эрт ойлгосон. Одоо тэд шууд утгаараа хулгайч болж хувирлаа” гэж Лавров Тунист хийсэн айлчлалынхаа дараа сэтгүүлчдэд хэлжээ. Оросын дээд дипломатын хэлснээр барууны орнууд "Оросын хөрөнгийг хураах хууль ёсны арга замыг хайж олоход анхаарлаа хандуулж, одоогоор битүүмжилсэн хөрөнгийнхөө хүүг Украин руу чиглүүлж байна" гэжээ.
Өнгөрсөн жил Москвагийн Төвбанкны 260 тэрбум евро буюу 285 тэрбум ам.долларын активыг G7-ийн орнууд, ЕХ болон Австралид зарцаасан. ОХУ-ын нөөцийн 210 тэрбум евро буюу 230 тэрбум ам.доллар Европт, 191 тэрбум евро нь Бельгид, 19 тэрбум евро нь Францад, 7,8 тэрбум евро нь ЕХ-ны гишүүн бус Швейцарьт хадгалагдаж байжээ. Албан ёсны мэдээллээр Герман өөрийн санхүүгийн байгууллагууд дахь Оросын 5.3 тэрбум еврогийн хөрөнгийг царцаасан байна. Берлиний эрх баригчид одоо JPMorgan-ын Герман дахь салбар дахь Москвагийн хөрөнгийн биржийн охин компанийн хөрөнгийг онилж байна. Гэсэн хэдий ч Франкфурт хотын шүүхийн хэвлэлийн төлөөлөгч ТАСС агентлагт хэлэхдээ, уг хүсэлтийг урьдчилсан байдлаар хэлэлцэж байна гэжээ.
