Энэ сард Хятадын нийслэл Бээжин хотод 1951 оноос цаг агаарын температурыг албан ёсоор бүртгэж эхэлснээс хойш хамгийн удаан хугацаагаар хүйтэрчээ. Бээжин дэх цаг агаарын ажиглалтын төвийн мэдээллээр 12 дугаар сарын 11-нээс хойш ням гаргийн байдлаар хасах хэм 300 гаруй цаг үргэлжилсэн нь сүүлийн 70 жил дэх нэг сарын хамгийн дээд үзүүлэлт боллоо гэж “Beijing Daily” сонин мэдээлсэн байна. Энэ хугацаанд нийслэлд -10 ба түүнээс доош хэмийн хүйтэн есөн өдөр дараалан бүртгэгджээ. Арктикийн хүйтэн агаар нөмөрсний улмаас тус улсын хойд болон зүүн хойд хэсгээр өнгөрсөн долоо хоногоос хойш хүйтний эрч эрс чангарч, зүүн хойд хэсгийн зарим нутгаар Цельсийн -40 ба түүнээс доош хэмд хүрч хүйтэрсэн байна.
