"CS2" тоглоомын анхны "major" тэмцээнд Азийн шалгаруулалтаас монголын "TheMongolZ" баг шалгарч, 1,250,000 долларын төлөө өрсөлдөхөөр боллоо.
Монгол залуус Ази тивийн урьдчилсан шатны тэмцээнд БНХАУ-ын Шанхай хотноо төгс ялалтыг байгуулснаар Дани Улсын нийслэл Копенхаген хотод 3-р сарын 17-31-ний хооронд дэлхийн шилдгүүдтэй өрсөлдөх юм.
Энэ удаагийн "major" нь "TheMongolZ" багийн үндсэн бүрэлдэхүүний дөрөв дэх "major" бол Азид өрсөлдөж буй өөр нэг монгол баг болох "ATOX Esports"-ын анхны "major" болох боломжтой юм. Тус тэмцээнд Ази тивээс хоёр баг л оролцох бөгөөд "ATOX Esports" Австралийн шилдэг "Grayhound", БНХАУ-ын хүчирхэг "Lynn Vision" гэх хоёр багийг буулган авч байж, Дани Улсыг зорьж, өөрсдийн нэрийг "CS2" тоглоомд үүрд үлдээх юм.
