БНХАУ-ын Ерөнхийлөгч Ши Жиньпин даваа гарагт (2021.07.05) Францын Ерөнхийлөгч Эммануэль Макрон, Германы канцлер Ангела Меркель нарт дэлхийн хэмжээнд нүүр тулж буй асуудлуудтай тэмцэхийн тулд Хятад-Европ хамтын ажиллагаагаа тэлнэ гэдэгт итгэж байгаагаа хэлсэн байна.
Гурван улсын удирдагч нар онлайнаар уулзалт хийх үед Ши Жиньпин Европчууд олон улсын асуудалд илүү идэвхтэй оролцон, стратегийн хараат бус байдалд хүрч, Хятад компаниудад шударга орчин бүрдүүлж өгнө гэдэгт найдаж буйгаа илэрхийлсэн аж. Ангела Меркелийн ажлын албанаас уулзалтын талаар мэдэгдэл хийхдээ “Тэд олон улсын худалдаа, цаг уурын хамгаалалт болон био олон зүйл байдлын талаар ярилцсан” гэжээ.
Тавдугаар сард Европын Парламент Бээжингийн тал Европын Холбооны улс төрчдөд тавьсан хоригоо цуцалтал БНХАУ-тай хийх хөрөнгө оруулалтын гэрээг батлахгүй гэдгээ мэдэгдсэн. Сүүлийн жилүүдэд Европ-Хятадын харилцаанд маргаан үүсэх нь ихэссэн билээ.
Сэтгэгдэл үлдээх