БНХАУ-ын нийслэл Бээжин хотын "Шувууны үүр" үндэсний цэнгэлдэх хүрээлэнд 2022 оны олимпын наадмын хаалтын ёслолын ажиллагаа болж өндөрлөлөө.
Өвлийн олимпын наадмыг Бээжин, Янжин болон Бээжингээс 200 км-ын зайтай оршх Жанзиакоу хотноо зохион байгуулсан юм. Тус олимпын наадамд 16 алтан медаль, нийт 37 медальтайгаар Норвеги улс нэгдүгээрт оржээ. Мөн алтан медалийн тоогоор Герман улс хоёрдугаарт, Хятад гуравдугаарт орсон байна.
Олимпод нийт 92 орны баг тамирчид оролцжээ. Хаалтын ёслолын ажиллагааны үеэр Бээжин хотын захирагч дараагийн буюу 2026 оны өвлийн олимпын наадам болох Милан болон Кортина-д'Ампеццо хотын захирагч нарт Олимпын далбаа шилжүүлэн өгсөн байна.
Сэтгэгдэл үлдээх