“Чингис хаан” одонт дуучин Г.Ариунбаатар Олон Улсын наадамд нэр дэвшиж “Дуурийн шилдгийн шилдэг эрэгтэй гоцлол дуучин”-аар шалгарсан тухай бид өмнө нь мэдээлж байсан. Тус наадам нь Евразийн 15 улсын мэргэжлийн хөгжмийн уран бүтээлчдээс шилдгүүдийг тодруулдаг "Bravo" шагнал гардуулах ёслол байсан юм. Тэгвэл тэрээр тус наадмын цомоо өчигдөр /2022.05.03 /гардан авчээ. Шагнал гардуулах ёслол цаг үе, нөхцөл байдлаас шалтгаалж цуцлагдсан бөгөөд шалгарсан уран бүтээлчиддээ байгаа газарт нь шагналыг хүргүүлж байгаа гэнэ.
Тэрээр цахим хуудсандаа Шагнагдах сайхан ч олон түмний итгэлийг дааж явна гэдэг л амаргүй дээ! Хичээх болно оо. Намайг дэмжиж, урмын үгээр, сэтгэлийн сайхнаар мялааж байдаг та бүхэндээ Гялайлаа гэсэн байна.
Сэтгэгдэл үлдээх