Монголчуудын уламжлалт баяр болох Тусгаар тогтнолын баяр, Цагаан сараар сургууль, цэцэрлэгийн хүүхдүүд үндэсний хувцсаа өмсөх нь уламжлал болсон.
Энэ нь хүүхдүүдэд үндэсний өв соёлоороо бахархах сэтгэгдэл төрүүлдэг гэж багш, сурган хүмүүжүүлэгч нар үзэж хамгийн гоё дээлтэй хүүхдүүдийг онцлон, шагнадаг. Харин одооноос энэхүү тогтсон явдлыг зогсоохыг Боловсрол, шинжлэх ухааны сайд Л.Энх-Амгалан өөрийн цахим хуудсаар дамжуулан мэдэгдлээ.
Тэрээр"Дээлтэй Монгол нэрийн дор гоё торгон дээлтэй хүүхэд шалгаруулж өргөмжлөл өгөхөө зогсоо захирал, удирдлагуудаа. Хүүхдийг багаас нь дутуугийн зовлон эдлүүлэхээ больцгооё, одоо. Гоё дээлгүй байгаа нь хүүхдийн буруу биш" гэж бичжээ.
Сэтгэгдэл үлдээх