Нобелийн шагналт CRISP генийн засварлах технологийг ашиглан халдвар авсан эсүүдээс ХДХВ-ийн ДНХ-г амжилттай тасална авсан гэж эрдэмтэд мэдэгдлээ.
Молекулын түвшинд яг л хайч шиг ажилладаг уг технологийг ашиглан ДНХ-г “огтлон” халдвартай эсийг таслан авч идэвхгүй болгосны дүнд ХДХВ-ийн өсөлтийг зогсоох боломжтой гэж үзжээ. Энэхүү арга нь урт хугацааны ажиглалт, туршилт хэрэгтэй ч эрдэмтэд бүрэн эдгэрэх боломжтой гэж итгэж байна. Одоо хэрэглээнд ашигладаг эм нь биемахбод дахь вирусийн эсийг удаашруулдаг боловч устгадаггүй.
Энэ долоо хоногт болсон анагаах ухааны бага хурлын үеэр Амстердамын эрдэмтэд эхний дүгнэлтээ танилцууллаа. Тэдний судалгаа зөвхөн “Ерөнхий чиг хандлагыг тодруулсан” ч ХДХВ-ийг анагаах эмчилгээ бий болсон гэсэн үг биш юм. Үүдэл эсийн технологи, генийн эмчилгээний чиглэлээр мэргэшсэн Ноттинхемийн их сургуулийн дэд профессор Жеймс Диксон тэдэнтэй санал нийлж судалгааны үр дүн, үйл явцыг сайтар баталгаажуулах шаардлагатай гэлээ.
CRISP технологийг Excision BioTherapeutics компанийн судлаачид 48 долоо хоног эмчилгээ хийсний дараа ХДХВ-ийн халдвартай гурван хүнд сөрөг нөлөө илрээгүй гэж мэдээлжээ.
У.Цогжавхлан
