АНУ-ын ерөнхийлөгч Жо Байден ОХУ-ын газрын тос, байгалийн хийн импортод хориг тавьж байгаагаа Мягмар гарагт зарлалаа.
Өрнөдийн орнуудын ОХУ-ын эсрэг авч хэрэгжүүлж байгаа эдийн засгийн хориг арга хэмжээ эрчимжиж байна.
АНУ-ын холбоотнуудаас Их Британи энэ оны сүүлээр Оросын импортод хориг тавихаа мэдэгджээ. Харин Оросын байгалийн хийгээс гүнзгий хамааралтай Европын Холбооны улсууд энэ удаагийн хоригт нэгдээгүй байна.
“Америкчууд Украины ард түмнийг дэмжиж, Путиний дайнд татаас төлөхгүй гэдгээ тодорхой харууллаа” гэж Жо Байден хэлжээ.
Тэрбээр энэхүү шийдвэрээ Европын холбоотнуудтайгаа зөвлөлдсөний эцэст гаргаснаа бас тайлбарласан байна.
Сэтгэгдэл үлдээх