Хойшлогдохгүй.
2020 оны буюу 77 дах удаагийн Венецийн кино наадам энэ жил төлөвлөгөөний дагуу зохион байгуулагдахаар болсныг Венец хотын засаг дарга мэдэгджээ.
Ингэснээр Венецийн кино наадам нь COVID-19 цар тахал эхэлснээс хойш кино урлагийн салбарт тохиож буй анхны томоохон арга хэмжээ болж байна. Гэхдээ одоогийн байдлаар тус кино наадмын зохион байгуулагчдын зүгээс албан ёсны мэдэгдэл хийгээгүй байгаа юм.
Deadline сэтгүүлийн мэдэгдсэнээр энэ жил кино наадмын хөтөлбөрт өмнөх жилүүдээс арай цөөн тооны бүтээлүүд өрсөлдөнө гэжээ.
2020 оны Венецийн кино наадам есдүгээр сарын 2-12 хооронд Лидо арал дээр зохион байгуулагдана. Уламжлал ёсоор наадмын хөтөлбөрт орсон бүтээлүүдийг долоодугаар сарын сүүлээр зарладаг билээ.
Сэтгэгдэл үлдээх